ҚР Энергетика министрі Алмасадам СӘТҚАЛИЕВ:
– Расында да, біз жағдайдың күрделі екенін білдік. Жылдар бойы жеткілікті қаржыландырылмағандықтан энергетика кәсіпорнында апатты жағдай орын алды: жабдықтар тозған, күрделі жөндеу жұмыстары толық көлемде жүргізілмеді, жалақының төмендігінен кадр мәселесі туындады. Осының бәрі ағымдағы апатқа, №1 блоктың тоқтауына әкелді.
(4 шілдеде үкімет отырысының кулуарында айтылды)
«АМӨЗ» ЖШС Бас директоры Мұрат ДОСМҰРАТОВ:
- Зауыттың барлық құрылғысын басқа жерге көшіру дейсіз бе? Бұл мүмкін емес!
(Зауытты қала сыртына көшіру туралы сұраққа жауап ретінде айтылды)
ҚР Президенді Қасым-Жомарт ТОҚАЕВ:
- Жақын арада Украинадағы қарулы қақтығыс тоқтайды деп үміттенеміз. Содан кейін әлемнің осы бөлігінде берік бейбіт өмір орнайтыны туралы сөз қозғай аламыз. Қазақстанға келетін болсақ, біз осы мақсатқа қол жеткізуге өз үлесімізді қосуға дайынбыз. Сонымен қатар біз – Ресеймен стратегиялық серіктеспіз және бірнеше ұйымның мүшесі екенімізді атап өткен жөн. Сондықтан біздің мақсатымыз – екіжақты және халықаралық ұйымдар аясында өзара ынтымақтастығымызды нығайту үшін Ресеймен тығыз байланысты сақтау.
(Германия Президентінің қатысуымен 20 маусымда өткен баспасөз конференциясында айтылды.)
Экология және табиғи ресурстар министрі Зульфия СҮЛЕЙМЕНОВА:
– Болған оқиғадан сабақ алуымыз керек. Әрқайсымыз өзіміз үшін белгілі бір қорытынды жасап, болашақта мұндай қайғылы оқиға қайталанбас үшін барлық қажетті шараларды қолға алуға міндеттіміз.
(Қостанай облысындағы 15 адамның өмірін қиған орман өртінен кейін айтылды)
Атырау облыстық Мемлекеттік еңбек инспекциясы басқармасының бөлім басшысы Кемел ИМАНҒАЛИЕВ:
– Жұмысқа тек жергілікті тұрғындарды алу талабы кемсітушілік екенін халық түсінуі керек. Өйткені, жерлестеріміз Қазақстанның түкпір-түкпірінде, тіпті басқа елдерде де жұмыс істейді, ал ол жердегі тұрғындар жерлестеріміздің тек Атырау облысында ғана жұмыс істеуін талап етпейді ғой.
(«Ақ Жайық» басылымына берген сұхбатында айтылды)
ҚР Президенті Қасым-Жомарт ТОҚАЕВ:
- Мен оның әзіліне лайықты баға бердім. Менің ойымша, бұған ешбір қажеттілік жоқ. Өйткені басқа интеграциялық бірлестіктер, соның ішінде, ең алдымен, Еуразиялық экономикалық одақ бар.
(Беларусь басшысы А.Лукашенконың одақтас мемлекетке қосылып, болашақта ядролық қаруға ортақ болуға "шақырған" ұсынысына жауап бергенде айтылды).
ҚР денсаулық сақтау вице-министрі Тимур СҰЛТАНҒАЗИЕВ:
- Медициналық көмекті алу үшін уақыт қажет, әсіресе жоспарлы көмек алуға күтуге туралы келетінін түсіну керек. Біздің елімізде ол ұзаққа созылмайды. Мәселен, Ұлыбританияда МРТ мен КТ-ға түсу үшін жарты жыл күту қажет. Канадада жамбас буынын ауыстыруға ота жасату үшін екі жыл күтеді. Әрине, біз бұл бағытта оңтайландыру жұмыстарын жүргізіп жатырмыз. Біздің ӘМСҚ-да науқас 10 күн ішінде қызметті алу керек деген белгілі меже бар. Талдап көргенімізде, адамдардың 90 пайызы осы уақыт ішінде бүкіл қажетті көмекті алатыны анықталды.
(19 мамырда МӘМС жүйесінің тиімділігін арттыру тақырыбын талқылағанда айтылды)
Парламент Мәжілісінің депутаты Асхат РАХЫМЖАНОВ:
- ...Жалпы, Қазақстан бойынша елдің әрбір алтыншы азаматы МӘМС жүйесінде тіркелмеген. Демек, жүйе жұмыс істемейді және сапалы медициналық қызмет алу үшін халықтың сұраныстарына тиісті дәрежеде жауап бермейді деген тұжырым жасадық.
(Мәжілістің пленарлық отырысында айтылды)
Қазақстан Республикасының президенті Қасым-Жомарт ТОҚАЕВ:
- Мемлекеттер арасындағы кез келген мәселені бейбіт жолмен шешу керек деп санаймыз. Дегенмен қамсыз отыруға болмайды. Барлық жағдайға сақадай сай болуымыз айрықша маңызды.
(9 мамырда марапат тапсыру рәсімінде айтылды)
«Ауыл» фракциясының жетекшісі Анас БАҚҚОЖАЕВ:
- Қазір өзін блогермін деп жүргендердің дені – ақпараттың рас-өтірігін тексермей, оңай жолмен баю мақсатында кез келген адамға жала жабудан тайынбайтын, бопсалап ақша табатын, атаққұмар, елдің берекесін бұзып, қауіпсіздігіне қатер төндіретін сауатсыз адамдар.
... Бастысы шу, бастысы сөз болса, болды. Олар кім көрінгеннің алдына шығып, аузына келгенін айтады. Сөз бостандығы деген осы ма?
(3 мамырдағы парламент мәжілісінің отырысында айтылды)
ҚР Президенті Қасым-Жомарт ТОҚАЕВ:
- РISA халықаралық зерттеуіне қарасақ, біздің ел соңғы он жылда орта білім сапасы бойынша 80 мемлекеттің ішінде 50-60-орыннан жоғары көтерілмеген екен. Бұл жағдайымыз нашар дегенді білдіреді. Негізгі кемшіліктің бірі - ол балалардың білімін біржақты бағалау. Біздің елде білімнің сапасына емес, жоғары көрсеткіштерге көп мән беріледі. ҰБТ мен мектепте алған бағалардың арасында айырмашылық бар.
(Елдің әлеуметтік-экономикалық дамуына арналған кеңесте айтылды)
ҚР президенті Қасым-Жомарт ТОҚАЕВ:
- Әкімдер өзі басқарып отырған қаласы мен елді мекенін жаяу жүріп аралауы керек.
(19 сәуірдегі Ақ ордада өткен кеңесте айтылды)
«Атырау МӨЗ» ЖШС-нің Бас директоры Мұрат ДОСМҰРАТОВ:
- Басқа мекемелерге де назар аударыңыздар, олардың 100 шақтысы бар осы жерде, ауаны ластап отырғандарды іздеп табыңыздар.
(10 сәуірде өткен брифингте айтылды)
Облыстық мәслихат депутаты Сырымбек СӘРСЕНБАЕВ:
- Іс шаралар жоспарына Атырау облысын да экологиялық апат аймағына жатқызу туралы Астанаға жеткізу мәселесін енгізуді ұсынамын.
(Атыраудағы экологиялық жағдай бойынша кеңес өткенде айтылды)
Қазақстан Республикасының Бас Прокуратурасы:
«Сайлау күні заң бұзушылықтар болды, бірақ бұл жекелеген фактілер сайлау нәтижелеріне әсер етпеді».
(Бұл туралы 2023 жылғы Парламент сайлауы туралы есептерде айтылған)
Сайлау науқанының сарапшысы Дмитрий ШАШКИНИ:
- АҚШ-та жақсы тәжірибе бар. Маған штаттан сайланған конгрессмендердің ешқайсысы Вашингтонға көшпейтіні қатты ұнайды. Олар сессияға өз қаражатымен ұшып барады, қонақүйде тұрады, бірақ уақыттың басым бөлігін былай айтқанда, «өз жерінде» өткізеді.
(«АЖ»-ға берген сұхбатында айтылды)
Атырау қаласының әкімі Мейірім ҚАЛАУИ:
- Үстелді жұдырықтап, бағаларға «тоқта» деп бұйрық беру мүмкін емес.
(«АЖ»-ға берген сұхбатында айтылды)
ҚР СІМ ресми өкілі Айбек СМАДИЯРОВ:
- Осыған дейін айтқанымыздай, бізде барлық келісім шартты алдын-ала зерделейтін мамандар мен сарапшылар жұмыс жасайды. Қазақстан өз жерінде Ресейге санкцияны айналып өтетін мүмкіндікті бермейді. Осы күнге дейін бір де бір қазақстандық компания екінші рет санкцияға ілікпеген.
(Астанада өткен брифингте айтылды)
Экономист Алмас Чукин:
– Қазір 2,6 триллион теңгеге 840 мың орындық 400 мектептің ауқымды құрылыс жобасын жариялады. Сөз жоқ, мектептер керек-ақ. Бірақ оларды мемлекет салу керек пе? Айтпақшы, егер салынса, қай ақшаға және осы мектептің бәріне мұғалімдерді қайдан аламыз?
(Фейсбуктегі жеке парақшасында айтылды)
Ресейдің экономика сарапшысы, мұнай және газ нарығының маманы Михаил КРУТИХИН:
- "Газпромның" мүддесі қандай? Оның мүддесі - Еуропаға сатпайтын газдың ең болмағанда бір бөлігін орналастыру. Ол Еуропадан шығып кетті, енді ол газды жіберетін жері жоқ. Ал екінші мүдде – шындыққа сәйкес келмесе де Ресей президентінің бізде үш елдің газ одағы бар деп ауыз толтырып айтуы, әрине, себебі бұл кәдімгі коммерциялық мәміле.
("The Insider"-ге берген сұхбатынан)
«Атыраугидрогеология» ЖШС ғылыми кеңесшісі Едіге САБУРОВ:
- Біз жер асты суларын, нөсер суларын және кәріздік ағын суларды бұруды бастасақ, сәл жаңбыр жауса, қаланы су басатын бәледен құтыламыз.
(«АЖ»-ға берген сұхбатында айтылды)
Қазақстан Премьер-министрі Әлихан СМАЙЫЛОВ:
- Әкімдіктерге бағаны ұстау үшін қажетті тетіктердің барлығы берілді. Қаржы да бөлінді. Бірақ баға бәрібір өсіп жатыр. Әкімдіктердің тиімді жұмысын көріп отырғанымыз жоқ.
(7 ақпандағы Үкіметтің кеңейтілген отырысында айтылды)
Атырау облысының әкімі Серік ШӘПКЕНОВ:
- Облысымыз қажетті медициналық құрал-жабдықпен қамту бойынша республикадағы орташа деңгейден 9%-ға жоғары. Ендеше осы операцияларды Атырауда жасауға не кедергі? Бұрын «ақ халаттылар біздің өмірімізді сақтап қалатын ең мейірімді жандар» деп атасақ, қазір содан қалып бара жатқандаймыз.
(Денсаулық сақтау басқармасының жыл қорытындысы бойынша алқа отырысында айтылды)
ҚР Президенті Қасым-Жомарт ТОҚАЕВ:
– Жалпы, еліміз бойынша да, осы облыста да жылу құбырлары апатты жағдайда тұр. Жағдай өте ауыр. Желілердің тозу деңгейі өте жоғары, 70, 80, кейбір жерлерде тіпті 90 пайызға дейін жетеді. Осы жұмыстармен айналысу қажет.
(Рудныйға сапары кезінде айтылды)
Алматы қаласы №2 Бостандық аудандық соты:
- ...жәбірленушінің өзі өз тәртібі мен куәгер А.Халитовқа деген қарым-қатынасы арқылы сотталушының (жолдасы – ред.) қызғанышын тудырып, сол жағдай жәбірленушіге қарсы қылмыстық әрекет жасауға ықпал етті».
(Жәбірленуші ішінен, мойнынан бірнеше жарақат алған тұрмыстық зорлыққа қатысты іс бойынша соттың мәлімдемесінен)
Саясаттанушы Досым СӘТПАЕВ:
- Фаина Раневскаяның сөзін өзгертіп айтатын болсақ, "балағат сөз" айтатын жақсы адам халықты алдап қойып, басшылар өзгергенде, ол да өзгеріп, кез келген жаңа басшының көзіне түсіп, халықты одан әрі алдай беру үшін жағымпазданып жүретін билік өкілінен онша қауіпті емес.
(Facebook-тегі жеке парақшасында жазылған)
Қазақстан Республикасының Президенті Қасым-Жомарт ТОҚАЕВ:
- Қазіргі таңда дүниежүзінде дәл осындай ауқымды, мазмұнды реформалар жасап жатқан ел бірен-саран. Бұл – ақиқат. Мұны бүкіл әлем мойындап отыр.
(Конституциялық сот судьяларымен кездесуде айтылды)
Украина президенті Владимир ЗЕЛЕНСКИЙ:
- Жаңа жылға аяқ баса келе, Украина халқы біздің ұлттық мақсатымыздың жалпы ұғымын сақтап қалуы керек. Әрине, бұл жерімізді жаудан босату, сонымен қатар Украинаны қайта қалпына келтіру, халқымыздың өз үйіне оралуы, одан әрі негізгі серіктестерімізбен ара-қатынасты нығайту, әлемде Украина үшін жаңа мүмкіндіктер ашу.
(Ел азаматтарына жасаған бейнеүндеуден үзінді)
Саясаттанушы Досым СӘТПАЕВ:
– Ескі әдісті қолданатын «Жаңа Қазақстан» өте түсініксіз болып тұр.
(Журналист Михаил Козачковты қылмыстық қудалау туралы)
Мәжіліс депутаты Аманжан ЖАМАЛОВ:
- Жай ғана валютаға ақша салу арқылы БЖЗҚ-ға қарағанда екі есе көп ақша табуға болар еді.
(Премьер-министрге, Ұлттық банк төрағасына және Жоғары аудиторлық палатасының төрағасына жолдаған депутаттық сауалда айтылған)
Қалалық мәслихаттың хатшысы Қаршыға ЖАУЫМБАЕВ:
Бұл жоба тиімді болуы керек. Кәріз жүйесі - бұл су арнасы үшін клондайк деуге болады. Лас суды тазартып, тазартылған суды мұнай компанияларына сату керек, ал сіз тарифті көтермексіз...
(Қалалық мәслихат сессиясында айтылды)
Атырау облыстық мәслихатының депутаты Нұрлан МҮТӘЛИЕВ:
– Қазір облыстық мәслихаттың депутаты болып отырған Сабыржан Сұлтановқа қандай да бір құрметті атақ беруге қарсымын... Бір-бірімізді осылай марапаттай берсек, не боламыз? Сабыржанды жақсы білемін, еңбек сіңірген адам. Бірақ депутаттық әдеп бұлай жасауыма мүмкіндік бермейді. Сәке, ренжіме.
(Облыстық мәслихаттың сессиясында айтылды)
ҚР Сауда және интеграция министрі Серік ЖҰМАНҒАРИН:
- Шынымды айтсам, білмеймін. Алдымен анықтап алып, кейін жауабын берейін. Бұл мені де қызықтырып тұр. Жәй, адамдар McDonald's-қа үйреніп қалған ғой.
(Үкімет үйінде жиналыс арасында - McDonald's жүйесінің уақытша жабылуына қатысты айтылды)
ҚР Экология, геология және табиғи ресурстар министрі Серікқали БРЕКЕШЕВ:
- Бұл болжамның бірі ғана. Итбалық оттегі жинап алу үшін судың бетіне шығады, содан кейін терең сұңгіп кетеді. Олар күкіртті сутектің шығарылуына байланысты қырылуы мүмкін.
(Каспийде итбалықтың қырылуына қатысты айтылды)
ҚР президенті Қасым-Жомарт ТОҚАЕВ:
Атырау мұнай өңдеу зауытының қызметіне экологтардың көңілі толмайды. Жақында ғана зауытта ауқымды жаңғырту жұмыстары жүргізілді. Дегенмен, ондағы технологиялық және басқару үдерістерінің сапасын әлі де жетілдіре түсу қажет.
(Атырау облысының жұртшылығымен кездесу барысында айтылды)
В Атырау
+4 